غزل كردي - حبيب بخشوده

م دووس کهو دێرم، ئهوخوهش خهت و خاڵه
کاوێ ک لهێ زنجی، چۊ زنج تو چاڵه

ده شاخ داڵاهوو، هامه پهێ ئاهوو
ئاهوو ملێ بهرزه، ئاهوو چهمێ کاڵه

واشهێ سهر تاشم، بازم وهلێ واشم
هامڕیشگم ئهڵوێ، هامبازیم داڵه

وهختێ تو باڵم دهێ، چم تا پهڕ مووله ق
ئێحساس کهم دنیا، ها ژێر ئێ باڵه

ئهور خهمم بهێ لا، تا وهرشه بهێ دنیا
گوڵ بیاره ئی کۊچه، شادی بخهێ ماڵه

«قاڵهمهڕه» ئهرباێ، ده شاخ ههورامان
ئۆشم وه یاد دووس سازێ بژهن قاڵه!

نامت ک ئژنهفتم، دامهت وه شاوازي
سازنهچی پف کرد، ده و قاپ شمشاڵه

ئهر تو نهوهت یهی ڕوو، داخت دووه چل کوو
ڕووژت دووه سهد ڕووژ، ساڵێگت ههف ساڵه

گیانم ئهڕا دۊریت، ئاخین و داخینه
قهڵبم ئهڕا قهڵبت، شیتاڵ و ویتاڵه

ئه ڕ قسیه کهم وهردت، ئۊشن ههواست بوو
یه داڵگێ خاتوون، یه بهوگێ تشماڵه

زانێ ئهرات چۊنم؟ هامده رد مهجنۊنم
باوگت ئه گهر ڕووسهم، باپیرت ئهر زاڵه
ـــــــــــــــــــــــــــــــــــــــــــ
که و:کبک/ زنج: چانه /شاخ: بلندی کوه/ واشه: باشه، نام پرندهای شکاری/ باز: پرنده ای شکاری ضمنا به معنی سیاه و سفید هم هست که با واش به معنی رنگ سفید روشن ایهام تناسب دارد.
شیتاڵ و ویتاڵ: پاره پاره
https://t.me/darwachdariche