هه ڵکه ده و- ظاهر سارایی

غزلی از مجموعه شعر کوردی "هۊچ بێ‌هچان"

‌ ظاهر سارایی

هه‌ڵكه‌ده‌و

وه‌ڵنگه‌ڕێزان خه‌زانه‌و زڵمه‌زاكان شه‌وه
وه‌خت كز كردن ده ژێر لاف دڕياگ خه‌وه

سرمگ شه‌و پاشياگه ده هه‌ناس ڕووزگار
نه ده‌نگ قيقه‌ێ قه‌ناري، نه ده‌نگ شاقه‌ێ كه‌وه

لێو ئاسوو ئه‌ڵزرێ ده‌ هۊرده ئاساره‌يل شه‌‌و
مه‌ر گوڵ سوو خوه‌ێ بكه‌ێ ده‌رمان ئێ له‌رز و ته‌وه

هه‌ڵكه‌ده‌و كه‌يم و هه‌ڵه‌ت ها شوون و زه‌مزه‌م ناديار
چاره‌نۊس هاجه‌ر و ئسمايل ئيمه هه‌ر ده‌وه

ناشِكِر بايه‌د نه‌ويمن، خاسه ده‌ێ ده‌وره‌ێ گه‌نه
وه‌ڵنگ سه‌ونز و ئه‌ور دێز و ئاسمان هالي كه‌وه!